Khawzawla Sericulture office hawng

Khawzawl Electric Venga Sericulture depart­ment office chu nimin khan Sericulture minister Lalrinawma'n a hawng a; AH&Vety, Fisheries & Sericulture Board vice chairman MLA C Lalmuan-puia'n a ṭawiawm.

Khawzawla Sericulture pisa hi NABARD (RIDF XXVI) sum nuai 31.04 hmanga sak a ni a, chhawng hnih, sq.metre 83.54-a a ni. Khawzawla Sericulture pisaah hian district sericulture officer dah a la ni lo a, Champhai DSO-in a hmui rih a; thawktu - sericulture extension officer leh sericulture demonstrator pakhat ve ve leh a nghet loa thawk pahnih an awm a ni.

Sericulture Minister chuan, Khawzawl district chu fûke kima din chhoh mek a nih thu sawiin, kar leh lamah District Veterinary Office hawn tum a nih thu a sawi. Mizorama khaw 800 chuang zingah khaw 200 velin silk an buaipui thu leh silk buaipuitu an la tlem thu a sawi bawk.