Damdawi lam hmanrua vailiam

Champhai bawrhsap James Lalrinchhana chuan Impulse NGO Network leh State Partner Cod Nerc kaltlanga dawn damdawi hmanrua chi hrang hrang nimin khan Champhai leh Khawzawl district-a sorkar damdawi-in 16 leh sub-centre leh health & wellness centre 59 hnena pek turin a vailiam.

Bawrhsap chuan, Champhai district-a ráltlân camp 34-ah Myanmar ráltlân 12,209 an awm mek thu sawiin, "An zinga 3,546 chu hmeichhia niin, naupang 4,830 an awm a, ei leh in leh an sahimna ngaih pawimawh a ṭul. Hmeichhia leh naupangte enkawl kawngah ṭan lâk zual a ngai," a ti. Myanmar ráltlânte chhinchhiahna, biography & biometric kalpui thuai a nih tur thu leh September 2023 chhunga zawh hman tum a nih thu a sawi bawk.