Pawl 6-in thisen unit 179 an pe
July 15, Inrinni khan pawl parukin thisen unit 179 an pe. Salvation Army Youth, Central South Division-in ZMC Blood Bank tan thisen unit 47 an pe a, an zinga 13 chu hmeichhia an ni. KṬP, Ramhlun East Branch-in Synod Hospital tan unit 41 an pe a, petute mipa 36 leh hmeichhia panga an ni.
Civil Hospital, Lungleiah Adventist Youth Federation, Lunglei North-in thisen unit 24 pein, petu zingah hmeichhia pahnih an tel a; Lunglei Bazar Venga YMA Hostel-a awmte'n unit 12 an pe bawk. LIKBK Ṭhalai Pawl, Lawngtlai Vengpui leh Bazar Veng bialte'n Lawngtlai District Hospital tan thisen unit 35 an pe a; PYD (Mizoram), Serchhip Bialte'n Serchhip District Hospital-ah unit 20 an pe bawk a, petute mipa 16 leh hmeichhia panga an ni.