Mau phun beihpui thlâk

46 Assam Rifles chuan nimin khan Lammualah India hnampa Mahatma Gandhi pian champha pualin mau phun beihpui thlakna, 'Bamboo Planta-tion Drive' an buatsaih a, Home minister Lalcham-liana'n a hmanpui.

Lalchamliana chuan, Gandhi-a pian champha puala mau phun beihpui Assam Rifle-te'n an thlak chu lawmawm a tih thu sawiin, "Hlawhtling taka an kalpui ka beisei. Mizoram sorkar pawhin ram hmasawnna turin mau lamah nasa takin ṭan a la a ni," a ti.

Assam Rifle-te'n kawng hrang hrangin hmân aṭang tawhin Mizo mipui an puih tawh ṭhin thu sawiin Lalchamliana chuan, "Hei hi an chhunzawm zel ka beisei," a ti.

Bamboo Plantation Drive hawnnaah hian Assam Rifle hotute chu DIG Brig. Vinod S hoin an tel a, state sorkar official leh Assam Rifle-te inkara inhmuh thiam loh deuhna awm chu tàwpin, thawhhona ṭha tak a awm chhunzawm an beisei thu an sawi.

Assam Rifles-te chuan Bamboo Plantation Drive pual hian Mizoram hmun hrang hranga AR awmna hmunahte mau nuai 7.24 phun an tum a ni.