Contract farming atan thuthlung ziak

Agriculture minister C Lalrinsanga kaihhruaiin nimin khan a pisaah Mawmrang Organic FPC leh NHAR Organic Pvt Ltd, Guwahati ten contract farming atan thawhhona thuthlung an ziak.

Thuthlung ang chuan Mawmrang Organic FPC hnuaia kut hnathawktu chhungkaw 100-te'n kum khat chhungin chhawchhi - chhibung (white sesame) an thar chu NHAR Organic-in a tlem berah metric ton 60-100 an leisak dawn a ni.

Mawmrâng Organic FPC hnuaiah hian Pàwlráng, Khawkãwn, Changzawl leh Làmzawl khuaa kut hnathawktute an inziak lut a; Mawmrang Organic FPC aiawhin chief executive officer Brenda Lalrinsiami'n hming a ziak a, NHAR Organic aiawhin Mirdul Sharma-in hming a ziak.

Agriculture Minister chuan, tun hnaiah Haulawng lama Mizo hmarchate thar chu USA-ah hlâwk taka hralh a nih thu sawiin, "Hetiang hian kut hnathawktute thawhrimna rah hlâwk zawka suma chantir turin sorkarin hma a la mek zel. Thlai dangah pawh contract farming kalpui zel tum abni a, hmalak mek zel a ni, " a ti a; cooperative movement hnuaia kut hnathawktute thawhhona leh ṭanrualna chuan awlsamna a siam thu a sawi.