AMC-in bawlhhlawh paihna a ruahman

Aizawl Municipal Corporation (AMC) chuan leivûng, in sakna leh ṭhiahna hnawmhnawk leh bawlhhlawh paihna tur bik hmun a siam a; chu'ngah chuan pawisa chawia paih theih a ni a, lirthei tê (LMV) phur khatah Rs 100, lirthei laihâwl (MMV) phur khatah Rs 200 leh lirthei lian (HMV) phur khatah Rs 300 chawi a ngai.

AMC chuan, tunlaiin mi ṭhenkhatin phal lohna hmunah leivûng, bawlhhlawh leh in sakna leh ṭhiahna bawlhhlawh an paih avangin kawngpui leh Aizawl chhehvela lui tuite a bawlhhlawh phah nasa tih a tarlang a, "Hmun ruat tarlanahte chauh leivûng leh in sakna leh ṭhiahna bawlhhlawh paih phal a ni," a ti.

Hmun ruat bik ni loa paihte leh vantlang tana hnawk leh harsatna siam zawnga leivûng paihte chu dan anga hrem an nih tur thu AMC chuan a tarlang bawk.

Leivung, in sakna/ṭhiahna bawlhhlawh paihna hmun

1. Durtlang Leitan, Muanna Veng-Selesih Road

2. Zemabawk, Tuirial Road RD Godown bul

3. Phunchawng, Women Centre

4. Sakawrtuichhun, Aizawl bypass road

5. Maubawk near BSUP

6. Maubawk, Tlawng PWD Road

7. ITI Veng, Aizawl Bypass Road

8. Saikhamakawn, Aizawl Bypass Road