Manipur buaina leh UCC vei lo turin Mizoram BJP President-in mipui a chah

BJP, Mizoram Pradesh president Vanlalhmuaka chuan nimin khan an pisaah thu sawiin, Manipur buaina leh Uniform Civil Code chungchang vei lo turin mipui a chah.

Mizoram BJP President chuan, "Manipur state chî leh chî buaina chungchang emaw, UCC chungchang a tak tak eng mah la awm si lo hlauh tur inzirtir ai chuan, development kan chan theihna tur, kan ram leh hnam kan intodelhna tur lam hawi zawnga ngaihtuahna siam turin, ṭhenawmte leh thil awm rih lote vei loin, mahni in chhung leh kan intodelh theihna lam i hawi zawk ang u," a ti.

Vanlalhmuaka chuan, "State dangte buaina leh UCC emaw hi kan election manifesto a ni ve dawn lo a, Mizoram first hi kan thupui a ni tawp dawn. State buaina leh thil hlauh tur awm mang si lo, party dangte anga mipui hlauh tur inziritr chawpin inthlan awm tur hi kan fight ve dawn lo," a ti a; Mizoram hmasawnna chu an agenda pawimawh ber a nih thu a sawi.

State dangte'n hmasawnna lama kum 10 Mizoram an tlân khalh tawh chu Mizoramah BJP sorkar hmang lo chuan ûm phâk theih a ni dawn lo nia sawiin Vanlalhmuaka chuan, "Mizoram mipui hian tun kum general election awm tur hi kan ramah hmasawnna kan hnuh luh theihna atan kan hman a ngai... Mizoramah BJP sorkartir a ngai a ni," a ti.