LDSC-in sum hman dan tur rêl

Lunglei District Sports Committee (LDSC) chu an chairman Ramdinliani, district bawrhsap kaihhruaiin nimin khan DC conference hall-ah an ṭhukhawm a, Mizoram State Sports Council leh LDSC aṭanga sum hmuhte hman dan tur an rêl.

Inter district cham-pionship-a tel turte hnenah travelling allow-ance (maxicab rate angin) pek ni ṭhin se, an ti a; LDSC hnuaia inziak lut pawlte'n state/district level inelna an thlen emaw, an buatsaih dawn chuan a ṭul angin ṭanpuina an dil chuan pek ni se an tih bakah, hmarchhak/ram pum/khawvel huap inelnaa medal late hnenah chawimawina pek ṭhin ni se, an ti.

LDSC hian kum 2023-24 chhungin MSSC aṭangin promotional fund Rs 3,45,000 an hmu dawn a ni.