Bialtu MLA thlâwp thu puang

Mizo National Youth Front (MNYF), Kolasib Block chuan thuchhuah siamin, "Miretheite tana ding ngam Kolasib bialtu MLA Pu K Lalrinliana, minister ni bawk hmalakna kan chhuang a, kan thláwp zel dawn," an ti.

Kolasib Block MNYF chuan, Kolasib bialah in hmun ṭheh tura hmalak a nih mek laiin, thîk leh huphurh an awm nia sawiin, lungchhiatthlak an tih thu an tarlang a, "Mi ṭhenkhatte'n party-a hlâwkna neih beisei a, in hmun nei lote'n in hmun an neih ve hlau leh thîka hma an la hi pawi kan ti," tiin, mi retheite hamṭhatna hmuh tur thîktute chu inngaihtuah harh turin an ngen a ni.