TV-a zirna tihchhuah sawiho

State Steering Committee on PM eVIDYA DTH TV Channel, Mizoram chu July 17, Thawhṭanni khan School Education secretary Dr Lalzirmawia Chhangte hoin a pisaah an ṭhukhawm a, telivision (TV)-a zirna kaihhnawih tihchhuah chungchang an sawiho.

Ṭhutkhawmah hian SCERT director Laldawngliani Chawngthu-in PM eVIDYA DTH TV Channel chungchang a sawifiahin, TV channel chu National Education Policy, 2020 tlangzarh champha vawi thumna pualin July 29, 2023-ah India ram pumah a ruala hawn a nih tur thu a sawi.

SCERT Director sawi danin, PM eVIDYA DTH TV Channel chu Ministry of Education hmalakna niin, zirna atan bik liau liaua TV channel siam, state tina pek chhuah tur a ni.

Channel tihchhuah hmasak tur pahnih chu elementary level tan Zirna Kailawn - Learning Ladder tih niin, channel chu MZ128 a ni a, secondary level tan Zirna Lamtluang - Learning Pathway niin, channel chu MZ129 a ni.