Sum Eiruk vangin kum 1 táng tur turin hrem

Aizawl District Court-a special judge (Prevention of Corruption Act) Dr HTC Lalrinchhana chuan cheng nuai 8.56 tichingpen thubuaia thiam loh a chantir tawh, Telecom department-a SDO(T) ṭhin Subhrendu Deb Roy, Kolkata chu kum khat chhung jail-a táng tur leh Rs 3,00,000 chawi turin a hrem.

Special Judge (PC Act) hian Subhrendu Deb Roy chu July 17, Thawhṭanni khan thiam loh a lo chantir tawh a, nimin khan hrem dan tur a puang. Subhrendu Deb Roy hian Rs 3,00,000 a chawi lo a nih chuan, kum thum dang jail-ah tàn belh tura tih a ni bawk.

Court chuan Subhrendu Deb Roy chu kum 75-a upa, natna hrang hrangin a tlâkbuak a nih avang te, dan bawhchhiat vanga thiam loh chantir a la nih ngai loh vang leh thil dang vangtein hremna nêp zawk pek a nih thu a tarlang.