ZORO-in Meitei-te chhuak lo turin an chah

Zo Reunification Organisation (ZORO) hruaitute nimina ṭhukhawm chuan thu-chhuah siamin, Mizoram chhunga Meitei awmte páwnchhuak lo turin an chah a, an sa himna tur a nih thu an tarlang.

ZORO chuam, "MZP-in May 6, 2023-a thuchhuah a lo siam tawh, Manipur tualchhung buai vanga Mizoram chhunga Meitei awmte an sa himna tura páwnchhuak rih lo tura a lo hriattir tawh chu kan thláwp tlat. Mizoram state chhunga Meitei awmte chu anmahni sa himna tur a nih zawk dawn avangin páwnchhuak lo turin kan ngen a ni," an ti.

Mizoram chhunga ruihhlo kal vel Mizoram police-in an man chungchangah Manipur chief minister N Biren Singh-a'n July 16, 2023-ah North East Live-a sawiselna ṭawngkam a nei chu ṭul lo an tih thu tarlangin ZORO chuan, "Manipur CM hi Mizoram state chhung thil thleng chungchangah inrawlh lo turin kan hriattir a, a inrawlh lohna turah a inrawlhah kan ngai," an ti a; Manipur CM-in an state-ah human rights bawhchhia a, sorkar leh police chakna hmanga Zo fate a bei chu an dem tih an puang nawn.

ZORO chuan, Manipur Governor-in Manipur tualchhung buaina chu an state páwn, a bikin Myanmar ram aṭanga chhuak anga a sawi chu an dem thu an tarlang a, "Manipur tualchhung buaina hi anmahni state sorkar siam a ni tih lo hre nawn turin kan ngen a ni," an ti.