Minister-in AH & Vety office a hawng

Animal Husbandry & Veterinary (AH&Vety) minister Lalrinawma chuan nimin khan Khawzawl leh Saituala District AH & Vety Office a hawng a; ran natna zinga 70-80% chu mihring kai chhàwn theih a nih avangin ran hrisel ei a pawimawh thu a sawi.

Sorkar thuchhuah tarlan danin, Khawzawla AH&Vety Office hi September 20, 2021-ah mumal taka kalpui ṭan a ni a, District AH&Vety Office hnuaiah District Veterinary Hospital, Khawzawl leh Zawlnghak khuaa Mithun Farm bakah, Biate, Khawhai, Kawlkulh leh Rabunga Veterinary Dispensary-te a awm.

Saituala AH&Vety Office hian Vety Hospital pakhat, veterinary dispensary pali, animal health centre leh mobile veterinary unit-te a nei a ni.