Khawzawlah NYK Youth Festival hman a ni

Nimin khan Khawzawl College multipurpose hall-ah Nehru Yuva Kendra (NYK) Youth Festival hman a ni a, Mizoram Youth Commission chairman Dr Vanlalṭanpuia, MLA-in a hmanpui. Intihhlimna leh thil dang chi hrang hrang tiin hun hman a ni.

Khawzawl College assistant professor PC Lalrindika kaihhruai Festival hawnna inkhawmah Dr Vanlalṭanpuia chuan, "Ṭhalaite hi economy khai kâng theitu in ni a, hmasawnna thlenna rahbi tung ding theitu in ni. Ṭhalai tlemna hmunah economy a ṭha thei lo. Ngaihtuahna leh thiamna thawhhona a ṭhat chuan hmasawn kan hlat lo," a ti.