Minister-in sorkar laipui a dâwr

Minister Dr R Lalthangliana chuan July 18, Thawhlehni khan Delhi-ah a enkawl department kaihhnawih sorkar laipui hotute a kâwm a; Human Resource Development minister of state Dr Raj Kumar Ranjan Singh hnenah Mizorama Kendriya Vidyalaya Sangathan (KVS) eng emaw zat din dilna a thehlut a, rang taka ngaihtuahsak turin a ngen.

Sorkar thuchhuah tarlan danin, R Lalthangliana hian Asian Development Bank hotute kâwmin, sorkar laipuiin an pawmpui tawh Mizoram State Health Care Scheme tihchangtlunna tur cheng vbc. 1,000 chu a rang lama tifel turin a ngen. ADB hotute chuan theihtawp an chhuah thu leh concept note an buatsaih mek tih an lo hrilh.

Dr R Lalthangliana chuan, Ministry of Micro, Small & Medium Enterprises (MSME) secretary SCL Das hnenah Mizorama MSME tihchangtlunna tur leh tihhmasawnna tur project thehluh tawhte chungchang a thlen a; SCL Das chuan a chak thei ang bera hmalak zui an tum thu a lo hrilh a ni.