Mamit MJA-in in sak mek an endik

MJA, Mamit district member-te chuan July 18, Thawhlehni khan Mamit Bazar Venga cold storage in tur sak mek an enfiah a; Mamit district horticulture officer RL Peka, contractor Lalchhanthanga leh Bazar Veng VC member-te'n an lo dawngsawng.

Cold storage building ban phun chungchanga sawiselna awm, ban khur chhunga tui tling tih te, cement, balu, rawra chawlh pawlh ṭhat loh leh thil dang chungchang an zawtfiah a ni.

Nodal officer RL Peka chuan, tui tlingte chu paih fai a nih hnuah pawh tui hnám a awm reng avangin ban innghah turah rawra, balu leh cement uluk taka chawh pawlh a roa chhûn a nih thu a sawi leh, engineer-te'n pawi lo tura an ngaih vanga ti an nih thu a sawi. Contractor Lalchhanthanga'n in a sak dan a sawifiah bawk.

Cold storage bunna tur in sak hi Pradhan Mantri Gati Shakti special assistance cheng nuai 192 sênga sak a ni a; in sak hna hi registered contractor hnenah pek a ni lo a, political party worker-te'n an inthawh sem niin Mamit MJA chuan an tarlang.