Mizo leh Kristian phatsanah LS MP C Lalrosanga puh

People's Conference party ṭhalaite chuan thuchhuah siamin, Mizoram Lok Sabha MP C Lalrosanga chu Mizo hnam leh Kristianna phatsantua an ngaih thu an tarlang a; Mizo hnam leh Kristianna a ngai thutak a nih chuan Manipur buaina denchhenin BJP a thlàwpna a rang thei ang bera hnûkdâwk turin an ngen.

PC Ṭhalai chuan, tun hnaia New Delhi-a BJP leh NDA-a an thawhpuite inhmuhkhawmnaah Mizoram MP C Lalrosanga a tel tih tarlangin, "Zo fate thlavâng hauhna leh Kristianten humhim tumna nei miah loa min nghaisatu leh min thattute lam ṭanga phûr taka Modi-a ke bula a la bungbu thei hi Mizote leh kan Kristianna hmuhsitna, thamlohna leh phatsanna lian takah kan ngai," an ti.