Mualkhang Bottling Plant tilian dawn

Indian Oil Corporaton Limited hotute chuan nimin khan Food, Civil Supplies & Consumer Affairs minister K Lalrinliana a pisaah an kâwm a; Mualkhang Gas Bottling Plant sak ṭhata tihlen tumna chu ṭan vat a nih dawn thu sawiin, hna ṭanna tura lungphùm phùm dan tur an sawipui.

Sorkar thuchhuah tarlan danin, Mualkhang Bottling Plant hi kum 2006-a din a ni a, Oil Industry Safety Directorate-in safety norms an siamte a phâk tawh loh avangin 2020 kum tìrah khâr a ni. Siamṭhat leh tihlenna turin Mizoram sorkarin kum 2021 khan ram hectare 2-a zau a lei a, IOC hnenah a hlan.

Tuna gas bottling plant siam thar tur chu 30 TMTPA - 30,000 metric tons per annum (kum khata metric ton 30,000 siam chhuak thei tur)-a duan a ni a, thla 24 chhunga siam zawh tur a ruahman a ni.

Tunlai hian Mizorama LPG mamawh zat chu ni tin truck 20 vel phur a ni a, chu chu bur 6,120 vel a ni.