Vetpreneur Business Plan Competition

Animal Husbandry & Veterinary department leh Mizoram Entrepreneurs’ Forum buatsaih 'Vetpreneur Business Plan Competition 2023' chu nimin khan Synod Conference Centre-ah khâr a ni a, AH&Vety minister Lalrinawma'n a hmanpui. Minister chuan, kum 2022 khan Mizoramah bawnghnute, ar puah sa leh artui cheng nuai 20,000 chuang man lak luh a nih thu a sawi.

Lalrinawma chuan, ṭhalai a ngaihna hriate'n ran vulh lamah hma an lak chuan rei lo têah sa leh artuiah Mizoram a intodelh ngei a rin thu a sawi a, "Vety department chhinchhiah danin kum kal ta khan phai aṭangin bawnghnute litre nuai 137, ar puah sa metric ton 1,030 leh artui pum nuai 373 a lo lut a, cheng nuai 20,000 chuang man a ni," a ti.

Vetpreneur Business Plan Competition-ah hian thupui pali hmangin mi 49-in sumdawn dan ruahmanna (business plan) an thehlut a; pakhatnain Rs 3,00,000, pahnihnain Rs 2,00,000 leh pathumnain Rs 1,00,000 an dawng a, mi panga hnenah consolation prize Rs 10,000 ṭheuh hlan a ni bawk.