Ráltlân naupangte dinhmun enfiah

Mizoram State Commission for Protection of Child Rights (MSCPCR) member Dr Julie Remsangpuii Fambawl leh officer-te chuan nimin khan Manipur aṭanga Zo hnahthlak ráltlânte awmna an tlawh kual a, raltlan naupangte dinhmun an enfiah.

MSCPCR hotute hian sorkarin relief camp a siam - Edenthar Venga BSUP, Art & Culture Convention Centre leh Tourism Convention Centre, Berawtlanga naupangte dinhmun an enfiah a; sorkar, mimal leh páwl hrang hrang aṭangin ei leh in tur leh mamawh chi hrang hrang an dawn ṭhin thu an lo hrilh.

Tun dinhmunah BSUP Edenthar Vengah naupang 40, Art & Culture Centre-ah 10 leh Tourism Convention Centre-ah naupang 27 an awm mek a ni.