ZPM PAC-in candidate-te chhuang

ZPM Political Affairs Committee member-te nimina ṭhukhawm chuan, an party candidate-te'n corruption laka fihlîm an intiam leh thupui berah eirûkna do an nei chu an chhuan thu an tarlang.

ZPM PAC ṭhukhawm chuan resolution siamin, "Kan party candidate-te'n corruption laka fihlim an intiam a, thupui bera an nei thei hi kan chhuang a, mipui zarah hlen chhuah a nih theih nan mipui tihchakna leh ṭanpuina kan dil a ni," an ti.

ZPM resolution chuan, Election Commission of India-in inthlan a puan hmaa ZPM hotute'n candidate an rem fel thei chu lawmawm an tih thu tarlangin, "Lungrual tak leh chak taka thawhho kan tum," a ti a; hmun hrang hrangah ZPM unit, zonu leh ṭhalaite’n inhlawhfaa sum an tuak a, candidate-te senso phuhrûk nan an hlàn ṭhin chu zahawm an tih thu tarlangin, "Politics khelh dan thianghlim, kalphung thar dik tak a lo lang taah kan ngai," a ti bawk.