Hmeichhe chunga hleilenna dem

Mizo Hmeichhe Insuihkhawm Pawl (MHIP) chuan thuchhuah siamin, Manipur buainaa Zo hnahthlakte tawrhna chu pawi an tih thu leh hmeichhiate chunga hleilenna rapthlak tak thleng chu pawi an tih thu an tarlang.

MHIP Gen.Hqrs chuan, Meitei hoin Kuki-Zo tribal hmeichhe pahnih saruaka khawlaia an chaih kual leh an pawngsual leh nghaisa lai video thehdarh a nih thu sawiin, "Hetiang thil rapthlak hi thleng theiah pawh kan ngaih loh a ni a, MHIP chuan ná a tiin a rûm a, Zo hnahthlak hmeichhiate thlavâng hauh turin ke a pên zel dawn a ni," an ti.

Hmeichhe pawisawi lo diriam a, pawngsualtute man an nih a, dan anga a na thei ang bera hrem an nih theih nan Union Minister, Women and Child Development Ministry, National Women Commission leh National Human Rights Commission hnenah lehkha an thawn tih an sawi bawk.