ZPM-in PM Modi an dem

ZPM party chuan nimin khan an pisaah resolution siamin, Manipur tualchhung buainaa thil sual titute tun thlenga hrem an la ni lo chu Manipur chief minister N Biren Singh kaihhruai sorkar rintlak lohzia tichiangtu a nih thu an tarlang a, "Kan dem tak zet a ni," an ti.

ZPM chuan, Manipur-ah politics buaina nasa tak a chhuak a, mi tam tak an thi a, biak-in leh chenna in tam tak hâl a ni tawh tih tarlangin, "Central BJP sorkar PM Modi kaihhruai a ngawi tlat hi ZPM party chuan a dem tak zet a ni," an ti a; Vaiphei hmeichhe pahnihte Meitei hoin saruaka hruai kual a, sawisaa an tinawmnah chu thinrimthlak an tih tak zet thu an tarlang bawk.