Mizo topper-te lawmpuina hlan

Mizo Students’ Union (MSU) chuan nimin khan Vanapa Hall-ah Mizoram University-in under graduate result a tihchhuaha Mizo topper-te lawmpuina an buatsaih a, deputy chief minister Tawnluia'n a hmanpui. UG subject 26-a Mizo topper-te hnenah lawmpuina hlan a ni.

Tawnluia chuan, zirlaite chu ram leh hnam tan theihtawp chhuah turin a fuih a, "Pathian leh kan ram leh hnam tan in thiamna te, theihnate chhuah zel ang che u. Kan ram hi nêkchêpa rahbeh kan nih loh zel nan mi tinin mawhphurhna kan neih vek a ngai a, hnam hmangaihna rilru intuh belh zel ang che u," a ti. Mizoram ziaráng humhalh chunga hmasawnna nei tur leh ram leh hman tana inpekna thûk zawk nei turin a chah bawk.

Inkhawmah hian khualzahawm TJ Lalnuntluanga, minister of state pawhin thu a sawi a ni.