UCC mamawh loh thu thlen

Mizoram State Law Commission chu nimin khan an chairman Lala Khobung hoin a pisaah an ṭhukhawm a; Mizoram sorkar kaltlangin Law Commission of India hnenah Mizoramin Uniform Civil Code (UCC) a mamawh loh thu an thlen tawh tih sawi lan a ni.

Ṭhutkhawmah hian August 26, 2021-a The Constitution (Scheduled Tribes) Order, 1950-a 'Any Mizo (Lushai) Tribes’ tih chu ‘Any Mizo Tribe’ tia thlâk leh, Pawi leh Lakher tih chu Lai leh Mara tia thlâk an rêl tawh chu sorkarin a kalpui dan zawhfiah a rêl. ‘The Mizo Marriage, Divorce and Inheritence of Property Act, 2014’ hman mekah siamṭhat leh ennawn ngaite an sawiho bawk.