Manipur-a thil thleng ngaihdam theih a ni lo - BJP President

BJP, Mizoram Pradesh president Vanlalhmuaka chuan nimin khan an party pisaa inkhawmah thu sawiin, Manipur-a hmeichhiate chunga thil thleng chu ngaihdam theih a ni lo tih a sawi a, "Thil sual titute hrem lohin an chhuak lo ang," a ti.

Vanlalhmuaka chuan, "Mihring pangngai tu pawhin Manipur-a thil thleng hi kan dem in zahthlâk kan ti ang," a ti a; prime minister Narendra Modi-a'n tun hnaia Manipur-a Vaiphei hmeichhiate chunga thil thleng avangin a thinur thu leh a rilru a nat thu a sawi bakah, state tin chief minister-te chu dan leh thupek kenkawh kawngah chak lehzuala hma la turin a chah thu a sawi.