JB College-in zirlai chawimawi

J Buana College chuan nimin khan an college-ah Mizoram University-in under graduate result a tihchhuah tâka an zirlai ti ṭhate chawimawina hun an hmang a, top 10-a lang an zirlai pahnih B.Com-a gold medalist C Lalnunhlimi leh BA Education-a parukna Rebecca Lawmsangzuali hnenah Prof. J Zorema Proficiency Award an hlan.

Prof. J Zorema Proficiency Award hi JB College-a zirlai ti ṭhate hnena hlan tura buatsaih a ni a, topper hnenah Rs 5,000 leh top 10-a langte hnenah Rs 2,000 an hlan ṭhin a, kumin hi vawi khat an hlanna a ni. J Buana College-ah hian arts leh commerce zirna awmin, department pakua a awm a, zirlai 520 an awm mek.