Thisen unit 234 an pe

July 22, Inrinni khan Mizoramah pawl parukin thisen unit 234 an pe. KṬP, Leitan Pastor Bial chuan thisen pek huaihawtin, Synod Hospital tan thisen unit 67 an pe a, petute mipa 57 leh hmeichhia 10 an ni.

Civil Hospital, Aizawl tan ṬKP-te'n unit 50 pein, petute mipa 42 leh hmeichhia pariat an ni a, PYD (NEI)-te'n unit 29 pein, petute mipa 19 leh hmeichhia 10 an ni. Khawbel Students Union member mipa 14 leh hmeichhia pahnihte'n unit 16 an pe a; mahnia a thlàwna pe mi pahnih an awm bawk.

Inrinni vek khan PYD (NEI), Lunglei District-te'n Lunglei Civil Hospital tan unit 56 pein, petute mipa 46 leh hmeichhia 10 an ni a; ṬKP, Lawngtlai Bazar Unit-in Lawngtlai District Hospital tan unit 16 an pe a, petute mipa 12 leh hmeichhia pali an ni. KṬP, Thenzawl Field Veng Bialin July 21 khan Civil Hospital, Lunglei tan unit 34 an pe bawk.