Minister hoin Ruihhlo do chungchang sawiho

Serchhip District Task Force on Ruihhlo Do chu Social Welfare minister Lalrinawma hoin July 21, 2023 khan DC conference hall-ah an ṭhukhawm. Minister chuan, "Ruihhlo do hna thawka kan thawh hian mi dang tan ni loin keimahni tan a ni," a ti.

Ṭhutkhawmah hian ruihhlo donaa hmalak dan turte sawiho a ni a; demand reduction (ruih­hlo mamawh tihtlem) lam atana hma­lakna atan Rs 5,00,000 ruahman a nih thu tarlan a ni. District Education Officer chu awareness campaign neihna tur sikul pakua thlang tura tih a ni bawk.

Minister Lalrinawma chuan, Mizoram ṭhen­awma rambuai mek chu remchangah laa Mizorama ruihhlo lâk luh a hluar thu a sawi a, "District level aṭanga village level thlenga hma kan lak a ngai a, ruihhlo hian min luhchhuah vek tawh. Ruihhlo doa kan thawh hian mi dang tan ni loin keimahni tan a ni tih rilru kan put a ṭul a ni," a ti.