Imphal aṭangin rawn haw

NGO Coordination Committee-in Manipur-a Zo hnahthlakte thlavâng hauha kawngzawh huaihawt an tum avang leh MSU-in Mizorama Meitei awmte chhiarpui neih an tum nia sawi a nih avangin July 22, Inrinni khan Imphal-a Mizo zirlai 10 chuan Mizoram lam panin an rawn haw nia sawi a awm.

Home department hotute erawh chuan, zirlai nu leh pate aṭangin zirlai pahnih/thum rawn haw tum an awm tih an sawi bak chu Imphal aṭanga rawn haw leh haw tum hriat an neih loh thu an sawi. Imphal khawpuia awm Regional Institute of Medical Sciences (RIMS)-ah Mizo zirlai 102 an awm mek nia thu dawn a ni.