Deputy CM Tawnluia'n lawmpui

Tuichang bialtu MLA Tawnluia, deputy chief minister chuan July 21, 2023 tlai khan Royale Lalawi Hotel, Aizawlah Tuichang constituency chhung mi, MCS Combined Examination 2023 preliminary exam paltlang mi pangate a kâwm.

Tawnluia hian mi pangate chu duhsakna hlanin, prelims an paltlang avanga lawmpuina Rs 10,000 ṭheuh a hlan a; ṭawngṭaina nen bul ṭan a, Pathiana innghat chunga bei tura chahin, "Mahni inngaihhniamna hi hlawhchhamna bul a ni," a ti a, 'ka tithei a ni', ti chunga inrintâwkna nei turin a chah.

Tuichang biala ṭhalaite hmasawnna leh changkan zel nan theihtawp an chhuah zel dawn tih sawiin Tawnluia chuan, "Ṭhalaite hmasawnna tur leh dâwmkanna turin thâ kan thlah lo a ni," a ti.