Kawngzawh tur police-in an thlirlâwk

Director General of Police (DGP) Anil Shukla hoin July 22, Inrinni khan a pisaah Mizoram Police hotute an ṭhukhawm a; July 25, 2023-a NGO Coordination Committee huaihawt kawngzawh neih tura venhimna hna thawh dan tur an sawiho.

Anil Shukla chuan, kawngzawhnaah thil ṭha lo thleng a awm loh nan venhimnaah theihtawp chhuah a ṭul thu a sawi a; Mizoram hmun hrang hranga police-te chu an mi leh sa, lirthei leh ruahmanna felfai tak nen inring renga awm turin a chah.

Ṭhutkhawm zawhah Aizawla kawngzawhna hmun tur - Chanmari, Kulikawn leh Raj Bhavan gate-te an tlawh a, venhimna kalpui dan tur an enfiah a ni.

Mizoram Police chuan thuchhuah siamin, Mizorama awm Manipur mi leh Meitei-te himna an ngaih pawimawh thu leh an vil reng thu an tarlang a, "Khua leh tui zawng zawngte himna Mizoram Police chuan a ngai pawimawh a, kan ram chhunga remna leh muanna chhawm nun kawnga min thawhpui zel turin tlawmngai pawlte leh mipui kan sawm nawn leh a ni," an ti.