Tualthah vanga thiam loh chang Champhai Jail aṭangin a tlânbo

Champhai District Court-in tualthah vanga dam chhunga táng tura a hrem Tunsianmuanga (41), Hnahlan chu nimin zing khan Champhai District Jail aṭangin a tlânbo a; nizan khan man lehnghal a ni.

June 23, 2021 tlai dar 3 vel khan Tuan­sianmuanga unaupa Hming­­thanmawia (38) chu Tuansianmuanga inah thia hmuh a ni. Tuansianmuanga'n Champhai Police hmaa a sawi danin, a inah a nau chu rûi chungin a lut a, chemtê inchhawpin a muhil a ni. A nau chuan tun hmain ro chungchangah kut a lo thlak fo tawh avangin kut a thlak leh ang tih a hlauh avangin bawngtuthlawhin a muthil lai chu a vaw hlum a ni.

Hun eng emaw chen thubuai ngaihtuah a nih hnuah court chuan Tuansianmuanga chu June 20, 2023 khan dam chhunga táng tur leh Rs 5,000 chawi turin a hrem.

Hrem a nih aṭanga thla khat chuang hret hnuah nimin zing khan bawlhhlawh an paih tur chu jail main gate aṭangin a tlan chhuak.

Tunsianmuanga hi nizan dar 6:15 vel khan Champhai Dinthar Vengah man lehnghal a ni.