Jail leh home-ah HIV vei an tam

Kumin June thla chhunga Health & Family Welfare (HFW) department-in Mizoram hmun hrang hranga jail, home leh hmun danga Integrated STI HIV TB Hepatitis (ISHTH) campaign an buatsaih aṭangin HIV vei leh Hepatitis-C vei an tam tih hmuh chhuah a ni.

Nimin khan SAD conference hall-ah State Oversight Committee on Prisons & Other Closed Settings chu an chairman Esther Lalruatkimi, HFW secretary hoin an ṭhukhawm a; June 2023 chhunga Mizorama jail leh home hrang hranga ISHTH campaign hmalakna leh hmachhawpte an sawiho.

Ṭhutkhawma tarlan danin, thla khat chhunga ISHTH campaign-ah hian jail 10, sorkar enkawl home 13 leh mimal enkawl home 22 tlawh a ni a, health camp vawi 78 neih a ni.

Jail leh home-a HIV leh Hepatitis-C vei an tam lutuk chu ngaihven zui zel a pawimawh thu an sawi a; jail tâwt lutukin natna inkai chhâwn a tihawlsam thu te, jail tâwt vangin medical check-up neih leh damlote inenkawl pawh uluk a harsat thu an sawi bawk.

Ṭhutkhawmah hian Health, Social Welfare leh IPR department hotu te, MSACS leh Prison hotute leh tlawmngai pawl hrang hrang aiawhte an tel a ni.