Minister leh BRO hotute inkâwm

Commerce & Industries minister Dr R Lalthangliana chuan nimin khan a pisaah Project Pushpak Border Roads Organization (BRO) hotute a kâwm. Inkawmna hi Dr R Lalthangliana'n tun hnaia Delhi-a BRO director general Rajeev Chaudhary a kawmna bawhzuina a ni.

Inkawmnaah hian Tuipui-D Darzokai lei dawh chungchang te, Thingsai-Pangkhua inkalpawhna kawng laih dan tur leh chak zawka hmalak dan turte sawiho a ni a; BRO aṭangin chief engineer SP Kolipey leh a thawhpuite an tel a ni.