Space laboratory din dan tur sawiho

Aizawl District Skill Committee chu an chairman Dr Lalhriatzuali Ralte kaihhruaiin DC conference hall-ah an ṭhukhawm a, hmalak dan tur hrang hrang an sawi zingah, hmarchhak state-a a hmasa ber tur Space Laboratory din chungchang a tel.

Ṭhutkhawmah hian tunlaia thiamna leh technology sang zelah leh science & technology lama college leh sikul zirlaite'n hma an sawn theih nan hmarchhak state-a a hmasa ber ni tura Space Laboratory din tura Vyomkika Aerospace nen inremna siam dan turte sawiho a ni.

Mahnia thil siam chhuah - handicrafts lam emaw, ei theih thil emaw online portal-a man chawi loa zawrh chhuah theihna tur HCL my E-haat nena agreement siamna tur te, awlsam taka an bungraw siam an zawrh chhuah theih nana an inziah luh theih dan tur te, thiamthil tihhmasawnna lama hmalakna IBM Skillsbuild School leh College Chapter Phase-2 kalpui leh dan tur leh hmalak dan turte an sawiho bawk.

Ṭhutkhawmah hian LESDE director Angela Zothanpuii, Higher and Technical Education joint director Lalṭanpuia, Directorate of Science and Technology CSO H Lalsawm-liana leh mi pawi-mawh dangte an tel a ni.