Kuhva chíngtute'n kuhva rah man

July 25, Thawhlehni tlai dar 4:30 vel khan Zamuang Police check post-a duty ve Hachhek Bial Kuhva Chíngtu Pawl (HBKCP) mi leh sate chuan kuhva rah ip 14 an man. Ip khatah hian kuhva kg. 80 zel a awm.

HBKCP hruaitute hnen aṭanga thu dawn danin, kuhva chíngtute hian sawhthing phur truck pakhat chu ringhlelin an endik a, sawhthing karah kuhva rah ip 14 an hmu chhuak a, check gate bulah an hâl nghal a ni.

Kuhva rah phurhna truck chu hnam dang ta niin, a khalhtu pawh hnam dang a ni a; kuhva rah leh sawhthing pawh hnam dang ta niin, Zawlnuam police-ten an kawl a ni.