Zirtirtu hmeichhiate'n dem

Mizoram Primary Teachers Association (MPTA) State Womens’ Network chuan thuchhuah siamin, Manipur-a Meitei leh tlangmite inkara buainaa hmeichhiate tawrhna nasa tak chu an dem thu an tarlang a, "Kan hmeichhiatpui unaute tuarna, mualphona leh tihtlàwma an awm hi kan tawrhpui tak zet a ni," an ti.

MPTA State Womens’ Network chuan, "Râwng tak leh rapthlak taka kan Kuki-Zo laizáwnte an khawih a, mualpho thei ang bera saruaka kawng zawhpui a, nawmnah taka khawih leh sawisaa an pawngsual kan hmuh leh kan hriatte hi nasa takin kan dem a, a râwngin a rapthlak kan ti hle a ni," an ti a; Manipur-a hmeichhiate chunga thil thleng chu National Human Rights Commission-in chhui chiang se, pawi khawihtute an phu tâwka hrem ngei ni se an duh thu an tarlang.