KHAWTHLIR

Boar Semen tlawh

Minister Lalrinawma chuan nimin khan Lengpui ram, Lawngzawla vawk pa chi ṭha lâk leh siamna hmun tura National Livestock Mission hnuaia ruahman Nucleus Boar Semen Station a tlawh. Station hi National Livestock Mission (NLM) hnuaia sak a ni. Minister chuan, "Ruahmanna ṭha leh lian tham awm ṭhin mah se, hmasawnna leh rahbi thar hmu tur chuan thawktute leh tualchhung mite'n thawhhona ṭha neiin, neitu rilru pua hna kan thawh a ngai, " a ti.

Heroin man

Ngopa Police Station leh Ngopa Village Defence Party (VDP) ṭangkawp chuan July 25, Thawhlehni zan khan Phalte peng, Ngopaah Johan M Hnamte (35), Saron Veng, Serchhip nia inchhal kut aṭangin heroin gram 128 an man. Johan M Hnamte lakah hian Ngopa PS-ah thubuai ziahluh a ni.

In pakhat kâng

Nimin tlai dar 5 vel khan Lalthansangi w/o Dohranga (L), Dawrpui Vengthar chenna in Assam type, chhâwng khat chu a kâng a, bungraw chuh hman lohin a kâng ral. In hi Dawrpui Vengthar mawng lama awm a ni a, kawngpui aṭanga a hlat tham deuh avangin a ràl leh lam aṭangin kang ṭhelhtu pawlin in kâng ṭhelh hna an thawk a ni. Tel chhuanlai kang aṭanga kangmei hi chhuak nia hriat niin, Vanlalhruaia s/o Lalthansangi'n hliam a tuar.

Inthlan tana inbuatsaihna

Champhai District Election Office chuan kumina MLA inthlanpui inbuatsaihna atan nimin khan DC pisa, DRDO pisa, SO pisa leh Khawbung BDO pisaah EVM leh VVPAT chungchang inzirtirna leh inhrilhfiahna an buatsaih. A duh apiang tan EVM hmanga vote thlak zirna/vote thlak chhinna hmun EVM Demonstration Centre an siam nghal a; vote thlak dan hre chiang tura EVM Demonstration Centre tlawh ṭheuh turin DEO chuan mipui a sáwm a ni.