Oil depot siamna atan ram acre 24-a zau lâk tum

Food, Civil Supplies & Consumer Affairs (FCSCA) minister K Lalrinliana hoin nimin khan a pisaah thunei-tute'n Sairang Sihhmuia tui-alhthei dah khawlna oil depot siamna tura ram lâk tur an sawiho a; oil depot siamna atan ram acre 24-a zau lâk tura hmalak mek a nih thu tarlan a ni.

Ṭhutkhawmah hian Sihhmui rama oil depot siamna tur ram acre 24-a zau bakah, kalpawhna tur ram acre 7-a zau lak tura hmalak mek a nih thu leh rélin a pawhna tur lei verh tum a nih thu an tarlang a; oil depot-a rél dinna tur (rail-siding) siamna tur te, chumi atana PWD kawng siam danglam ngai te, power grid ban leh hrui kal dan tihdanglam ngaite leh hmalak dan tur te, ram lak dawna ruahmanna awm leh siam ngaite sawi lan a ni bawk.

Ruahman dan chuan, oil depot siam tur chu cheng nuai 50,000 hû a ni dawn a, tuialhthei kilolitre 1,500 dah khawlna tur zém (tanky) pakua a awm ang.

Ṭhutkhawmah hian Railways, Land Revenue & Settlement department, PWD, Indian Oil Corporation, Power Grid Corporation of India leh Aizawl DC aiawhte an tel a ni.