Lei chêtna hmun tlawh

ZPM working president K Sapdanga chuan nimin zing khan Vaivakawna lei chêtna leh minna hmun a tlawh a; lei chu hmun dangah a chêt belh zel loh nan leh chhiatna nasa zawk a thlen loh nan sorkara thuneitute'n theihtawp chhuah zel se a duh thu a sawi.

K Sapdanga chuan, Vaivakawna lei chêt vanga chhungkaw eng emaw zat insawn chhuah ngaia an awm leh Vaivakawn Vengthlang Presbyterian Kohhran biak-in sak lai pawh chhunzawm theih loha a awm chu pawi a tih a sawi a, "Leiminin a nghawng zawng zawng thinlung takin ka tawrhpui tak zet a ni," a ti.

ZPM Working President hi Vaivakawn Local Council chairman Zothanmawia'n a ṭawiawm a ni.