Siahaah Blood Donation Day hmang

Siahaa District Hospital Blood Bank, AVBD leh PYD-te chuan nimin khan New Siahaa PYD Sunday School Hall-ah National Voluntary Blood Donation Day 2020 an hmang a, thisen pek rûnpui an huaihawt nghal.

Voluntary Blood Donation Day (October 1) hmanna inkhawmah hian AVBD Siaha Branch secretary Laltharliana chuan, Siaha Bial PYD-te'n Siahaah blood bank a awm ṭan tirh aṭangin kum tin thisen an pek thu leh kum 2020 chhungin donation camp vawi hnih an buatsaih tih a sawi a; hun lo kal zel turah pawh ṭhahnemngai taka thisen pe zel turin a sáwm. PYD hnenah hian Siaha AVBD president Lalnunkima Pisa-in chawimawina thuchei a hlàn a ni.

Inkhawm zawhah PYD-te'n thi­sen an pe nghal a, mipa 20 leh hmei­chhia pahnihte'n unit 22 an pe a ni.