MLA hoin Kawlkulh H/S jubilee lawm

Kawlkulh High School chuan nimin khan an sikulah kum 50 an tlin an lawm a, bialtu MLA Dr L Thangmawia'n a hmanpui. MLA hian jubilee monument a hawng a, souvenir a tlangzarh bawk.

Dr L Thangmawia chuan, Mizoram khaw hrang hrangah zirna-in hawn a nih theih nan khawtlang nu leh pate'n thâ an thawh nasa ṭhin tih a sawi a; India ramah National Education Policy hman ṭan a nih thu sawiin, "Thil thar tam tak a keng a, naupang kum thum aṭanga sikul luh ṭan tawh tur a ni bakah, infiamnate pawh zirna huangah telh a ni tawh dawn. NEP hlawhtling taka kalpui a nih theih nan mipui an inbuatsaih a ngai hle dawn a ni," a ti.

Kawlkulh H/S hi kum 1972-ah din a ni a, kum 2022 khan kum 50 tling mah se, harsatna hrang hrang vangin nimin khan an lawm a ni.