Britain sorkar aiawh leh MZP inkâwm

British deputy high commissioner Nick Low leh political economic adviser Ajitha Menon te chuan July 27, Ningani tlai khan MZP Pisapui an tlawh a, MZP hruaitute nen inkâwmin, Britain-a zirna leh hna chungchang leh Manipur buaina chungchang an sawiho.

MZP thuchhuah tarlan danin, MZP hruaitute chuan Britain sorkar aiawhte chu Mizo zirlaite'n Britain-a lehkha an zir theih dan tur leh ṭhalaite'n hna an thawh theih dan tur an sawipui a; Nick Low chuan, Mizote zirlaite tan theih theihtawp chhuah a inhuam thu te, a tam thei ang ber an ramah hna thawka kal tura a duh thu te, kawng zawnpui an inhuam thute a sawi.