Future of Journalism Conclave buatsaih

Kolkata-a US Consulate leh USA-a hmunpui nei Meridian International chuan July 27-28, 2023 khan American Center, Kolkata-ah Future of Journalism Conclave an buatsaih a, Mizoram aṭangin Vanglaini reporter John Zothansanga a tel.

Conclave-ah hian thupui chu 'How immersive technology and artificial intelligence can shape the news and impact audience opinion' tih a ni a; India leh USA-a mithiamte'n thupui ṭhen hrang hrang an sawi bakah, sawihona hun hman ṭhin a ni.

Artificial intelligence, aug-mented reality leh virtual reality-te thuthar thehdarhna atan hman ṭangkai theih dante an sawifiah a; journalism kalphung, mipui hriat leh ngaihthlak duh zawng ringawt pe lo a, a dik leh a lai thei ang bera thu ziah leh thuthar thehdarh chungchangte sawiho a ni.

Future of Journalism Conclave-ah hian India ram hmun hrang hrang aṭangin journalist mi 30 an tel a ni.