Khawtlangin mibo an zawng

Lallawmsanga (45) c/o Kimi, Muallungthu chu a awmna chin hriat a nih loh avangin khawtlangin an zawng mek a, nimin pawh khan zawng leh mahse an la hmu lo.

Muallungthu Branch YMA hruaitute hnen aṭanga thu dawn danin, Lallawmsanga hi hun eng emaw ti chhung chu Tuirivâng lui leh Rangtla báwr velah a khawsa ṭhin a; tun hnaia a khawsakna velah hun eng emaw chen hmuh a nih tawh loh avangin Muallungthu khawtlang chuan July 28, 2023 aṭang khan an zawng a ni.

YMA, Chhimphei Group chuan Lallawmsanga zawnnaa thawk chhuak turin an huam chhunga YMA branch-te an ngen a, vawiin aṭang hian YMA branch-te'n a inchhâwkin an zawng dawn a, vawiin bikah Phulpui leh Maubuang branch-te thawk chhuak tura beisei an ni a, YMA branch dangte hnatlan hun tur pawh ruahman a ni.