AR Cleanliness Drive hawn a niAR Cleanliness Drive hawn a ni

Assam Rifles-in Mahatma Gandhi pian champha puala Faina Hapta an hman tur chu nimin zing khan Governor PS Sreedharan Pillai-a'n Zodin Square-a Mahatma Gandhi lim bulah a hawng.

Larsap chuan, Mahatma Gandhi chu ram mipuitea thil ṭha chi hrang hrang zirtirtu a nih thu sawiin, "Faina, hriselna leh intodelhna kawngahte pawh Pu Gandhi nunah zir tur tam tak kan nei. Ram intodelh (Atma Nirbhar Bharat) kan nih theihna turin thawhhona ṭha zawk kan mamawh tih hre chiang tur leh  mi tinin kan pawimawh dan a inang vek a ni tih i hre thar leh ang u," a ti.

46 Assam Rifles’ Cleanliness Drive hian ni thum a awh dawn a, vawiin leh naktukah an hman chhunzawm ang. A hawnna inkhawm hi AR 23 Sector DIG Brig. Vinod S chuan a kaihruai a, 46 AR commandant Col. Viplav Tripathi leh a thawhpuite an tel a ni.