MJA leh Aizawl DC thar inkâwm

Aizawl DC thar sàwm angin MJA General Headquarters hruaitute chu nimin khan DC pisaah an léng a, bawrhsap Nazuk Kumar nen thingpui inho pahin an inkâwm.

Bawrhsap Nazuk Kumar hian Aizawl leh Mizorama print media leh electronic media dinhmun tlangpui a zâwt a; MJA leh journalist-te nen thawhhona ṭha tak an neih a beisei thu a sawi.

MJA hruaitute hian MJA dinhmun leh Mizo-rama chanchinbu leh TV channel-te dinhmun tlangpui te, MJA hmalak meknate an hrilhfiah a, Aizawl district hmasawnna tura hna a thawhnaah an tih theih chin apiangah MJA leh chanchinbumite'n thawhpui zel an inhuam thu an hrilh. IAS officer a nih anga a hnathawh tawhte leh Mizoram a hmuh dante an zawt ve bawk.

Inkawmhonaah hian MJA president C Lalram­buatsaiha hoin MJA General Headquarters office bearer-te leh presi­dent hluite an tel a ni.