Ruihhlo laka fihlîm turin Mizo naupangte an intiam

Aizawl District Task Force on Ruihhlo Do hmalaknain nimin zing dar 7 khan Aizawla YMA branch hrang hrangah YMA chhangte'n ruihhlo laka fihlîm turin thutiam an sawi rual. Hmun ṭhenkhatah chuan ruihhlo ṭhat lohzia inzirtirna leh infuihna hun hman nghal a ni.

Vawiin August 1 hi Aizawl District Task Force on Ruihhlo Do Committee chuan Aizawl district pum huapin 'Ruihhlo Do Ni’ atan an puang a; hemi pual hian vawiin chawhma dar 11-ah Vanapa Hall-ah hun hman a ni dawn a, Aizawl district-a YMA branch tin aiawh mi pahnih leh village/local council aiawh mi pakhat ṭheuh tel tura beisei a ni.