Hruaitu nei ṭha ber kan ni - MNF Adviser

MNF party chuan nimin khan an pisa, Mizo Hnam Rûnah chhung inkhawm an nei a, MNF adviser Rochhunga Ralte-in thu sawiin, "MNF hi Mizote hnama min dintu ráwn chunga din a ni a, Mizorama party zawng zawngah hruaitu nei ṭha ber kan ni," a ti.

Rochhunga Ralte chuan, MNF hruaitute chu ram leh hnam tana inpekna, rinawmna, Pathian ṭihnaahte an chhuanawm hle nia sawiin, "Mi biangbiak thiamna leh hlim reng thei an nihnate hi an chhuanawm a, an thawhhona pawh a ṭha hle a ni... Kan chief minister, minister leh MLA-te hnathawh aia ropui hi kan ram chhungah hian a la awm lo a tih theih," a ti a; Mizote tan MNF party-a awm a him niin a sawi bawk.